Айналу жиілігін реттеу

Жұмысты бастаудан бұрын дұрыс айналу жиілігін реттеп шығыңыз. Айналу жиілігі бұрғы диаметрі мен бұрғыланатын материалға сәйкес келуі керек. Айналу жиілігі қате реттелген жағдайда, электр құралы дайындамаға ілініп қалуы мүмкін.

Тиісті айналу жиілігін реттеген кезде айналу жиіліктерінің диаграммасын (6) қараңыз. Диаграммада болат (Steel) және алюминий (Aluminium) материалдарына арналған бұрғы диаметріне (Ø мм бойынша) байланысты реттелетін айналу жиілігі (айн/мин) көрсетіледі.

Берілістің механикалық таңдалуы

Беріліс ауыстырып-қосқышын (21) электр құралы тоқтап тұрғанда ғана пайдаланыңыз.

Беріліс ауыстырып-қосқышы (21) арқылы 2 айналу жиілігінің диапазонын алдын ала таңдауға болады.

1-беріліс:
төменірек айналу жиілігінің диапазоны; үлкен бұрғы диаметрімен жұмыс істеуге арналған.

2-беріліс:
жоғарырақ айналу жиілігінің диапазоны; шағын бұрғы диаметрімен жұмыс істеуге арналған.

Беріліс ауыстырып-қосқышын (21) қажетті күйге бұраңыз.

Егер беріліс ауыстырып-қосқышы (21) тірелгенше бұралмаса, бұрғылау патронын бұрғымен бірге сәл айналдырыңыз.

Электрондық айналымдар санын реттеу

Айналу жиілігін реттегіштің (15) көмегімен электр құралының айналу жиілігін тікелей реттеуге болады.

Электр құралын іске қосу үшін ажыратқышты (13) күйіне бұраңыз.
(33) түймесінің көмегімен дисплейдің индикация аймағын "Жылдамдық" күйіне ауыстырыңыз.
Айналу жиілігін реттегішті (15), дисплейде (14) қажетті айналу жиілігі көрсетілгенше, бұраңыз.