Пайдалану бойынша нұсқаулар
Бұрғылаудан бұрын жылдам қысқыш (3), параллель тірек (19) немесе білдек қысқышы (керек-жарақ) мықтап тартылғанына көз жеткізіңіз.
Бұрғы дайындамадан шығып кеткен жағдайда, бұрғы дайындамаға ілініп, дайындама тартылып кетуі мүмкін. Сондықтан бұрғылау әрекетін аяқтаған соң беріліс қозғалысын баяулатыңыз.
Егер алмалы-салмалы аспап бұғатталса, электр құралын өшіріңіз. Алмалы-салмалы аспап пен дайындаманы суытыңыз. Бұрғылау жоңқасын шығарып алыңыз. Алмалы-салмалы аспаптың ілініп қалу себебін анықтап, ақаулықты жойыңыз.
- Дайындаманы тірек тақтасына (1) қойыңыз.
- Жетек блогының биіктігін реттеп шығыңыз.
- Дайындаманы лазерлік кресттің көмегімен туралаңыз.
- Дайындаманы қысып қойыңыз.
- Өлшенген айналу жиілігін орнатыңыз.
- Электр құралын қосыңыз.
- Бұрғылау үшін айналатын дөңгелекті (11) қажетті бұрғылау тереңдігіне қол жеткізгенше біркелкі қозғалыспен бұраңыз.
- Қажетті бұрғылау тереңдігіне қол жеткізе алмасаңыз, айналатын дөңгелекті (11), жетек блогы бастапқы күйге қайтып оралғанша, кері бағыттаңыз.
- Электр құралын өшіріңіз.
Дисплейдің (14) көмегімен ағымдағы бұрғылау тереңдігін көрсетуге болады.
- Айналу жиілігін реттегеннен кейін (33) түймесінің көмегімен дисплейдің индикация аймағын "Тереңдік" күйіне ауыстырыңыз.
- Жетек блогының биіктігін реттеп шығыңыз.
- Бұрғы ұштығын дайындамаға сәл тигізіп қойыңыз.
- Нөлдік нүктені анықтау үшін (34) түймесін басыңыз.
Дисплейде (14) "Қайта орнату" индикаторы көрсетіледі. - Бірқалыпты беріліспен қажетті бұрғылау тереңдігі дисплейде көрсетілгенше бұрғылаңыз.
Тереңдік шектегішінің (9) көмегімен t бұрғылау тереңдігін орнатуға болады.
- Қысқыш иінтіректі (8) сағат тілінің бағытына қарсы бұрап босатыңыз.
- Сынақ бұрғылауды орындаңыз. Дисплейде (14) қажетті t бұрғылау тереңдігі көрсетілсе, қысқыш иінтіректі (8) қайтадан бұрап бекітіңіз.
Төмендегі бұрғылау әрекеттері үшін бұрғылау тереңдігі t мәнімен шектеледі.