Всисувач за прав/струготини (види слики B–E)

Правта од материјалите како на пр. слоеви боја, некои видови дрво, минерали и метал може да биде штетна по здравјето. Допирањето или вдишувањето на таквата прав може да предизвика алергиски реакции и/или заболувања на дишните патишта на корисникот или лицата во околината.
Одредени честички прав како на пр. прав од даб или бука важат за канцерогени, особено доколку се во комбинација со дополнителни супстанци (хромат, средства за заштита на дрво). Материјалите што содржат азбест смеат да бидат обработувани само од страна на стручни лица.

• Затоа, доколку е возможно, користете соодветен вшмукувач за прав за материјалот што се обработува.
• Погрижете се за добра проветреност на работното место.
• Се препорачува носење на маска за заштита при вдишувањето со класа на филтер P2.

Внимавајте на важечките прописи на Вашата земја за материјалот кој го обработувате.

Напомена: За време на сечењето секогаш употребувајте ја цевката за пренасочување (24) или кутијата за прав/струготини (25), за да не летнат струготините накај Вас.

Цевката за пренасочување (24) може да се користи со или без приклучен всисувач за прав/струготини. Во зависност од примената, свртете ја цевката за пренасочување така што струготините нема да летнат накај Вас и прицврстете ја истата на исфрлувачот на струготини (16).

Надворешно всисување (види слика B)

Поставете црево за всисување (23) (опрема) на исфрлувачот за струготини (16). Поврзете го цревото за всисување (23) со всисувач за прав (опрема). Прегледот за приклучување на различните видови на всисувачи за прав ќе го најдете на крајот од ова упатство.

Електричниот алат може да се приклучи директно на приклучницата на Bosch-универзален всисувач со уред за далечинско вклучување. Тој веднаш ќе стартува при вклучување на електричниот алат.

Всисувачот за прав мора да е соодветен на материјалот на парчето што се обработува.

При всисување на особено опасни по здравје, канцерогени или суви честички прав, користете специјален всисувач.

Сопствено всисување (види слики C– E)

Кутијата за прав/струготини (25) може да се користи за ситни работи со приклучен лизгач (26). За поголеми работи треба да го оставите лизгачот отворен, за да можат да испаѓаат струготините.

Прицврстете ја кутијата за прав/струготини (25) на исфрлувачот на струготини (16).

Редовно празнете ја кутијата за прав/струготини (25), за да ја задржите ефикасноста.

За да ја испразните кутијата за прав/струготини (25) извлечете ја истата од исфрлувачот на струготини (16). Притиснете го лизгачот (26) нагоре, свртете ја кутијата за прав/струготини (25) на страна и испразнете ја.

Исчистете ги приклучните додатоци на кутијата за прав/струготини (25) пред приклучувањето.