Ставање во употреба

Со прекинувачот за менување на правецот за вртење (3) може да го промените правецот на вртење на електричниот алат. Доколку прекинувачот за вклучување/исклучување (5) е притиснат ова не е возможно.

Вртење во десно: За навртување на завртки и прицврстување на навртки притиснете го прекинувачот за менување на правец на вртење (3) на лево до крај.

Вртење во лево: За олабавување одн. одвртување на завртки и навртки притиснете го прекинувачот за менување на правецот на вртење (3) на десно до крај.

Дупчење и одвртување

Поставете го прекинувачот (2) на ознаката „Дупчење“.

Ударно дупчење

Поставете го прекинувачот (2) на ознаката „Ударно дупчење“.

Прекинувачот (2) ќе се вклопи и може да се активира и додека работи моторот.

За ставање во употреба на електричниот алат притиснете го прекинувачот за вклучување/исклучување (5) и држете го притиснат.

За фиксирање на притиснатиот прекинувач за вклучување/исклучување (5) притиснете го копчето за фиксирање (4).

За да го исклучите електричниот алат, ослободете го прекинувачот за вклучување/исклучување (5) одн. доколку тој е блокиран со копчето за фиксирање (4), кратко притиснете го прекинувачот за вклучување/исклучување (5) и потоа отпуштете го.

Брзото исклучување (KickBack Control) нуди подобра контрола на електричниот алат и со тоа ја зголемува заштитата при користење, во споредба со електричните алати без KickBack Control. При ненадејна и непредвидена ротација на електричниот алат околу оската за дупчење, тој се исклучува.

За повторно ставање во употреба отпуштете го прекинувачот за вклучување/исклучување и одново притиснете го.

  • Ако функцијата KickBack Control е дефектна, електричниот алат не се вклучува. Поправката на електричниот алат смее се изврши само од страна на квалификуван стручен персонал и само со користење на оригинални резервни делови.

Бројот на вртежите/ударите на вклучениот електричен алат може да го регулирате бесстепено, во зависност од тоа колку подалеку ќе го притиснете прекинувачот за вклучување/исклучување (5).

Со нежно притискање на прекинувачот за вклучување/исклучување (5) се постигнуваат мал број на вртежи/удари. Со зголемување на притисокот се зголемува и бројот на вртежи/удари.

Со вртливото копче за подесување на бројот на вртежи (6) може да го изберете потребниот број на вртежи/удари и за време на користењето на алатот.

Неопходниот број на вртежи/удари зависи од материјалот и работните услови и може да се одреди со практична примена.